( ... )Curation des playes. L’intention commune en toute solution de continuité, et vnion, comme il est dit au troisiesme du Techni. Et c’est l’indication premier cognuë d’vn chacun, prise de l’essence du mal, qui commande reietter le contraire par son contraire. Laquelle intention generale et premiere, est accomplie par deux : par nature, comme du principal ouurier, qui opere auec ses vertus, et conuenable nourriture et par le Medecin, comme seruiteur operant auec cinq intentions qui sont l’vne à l’autre subalternes.

La premiere, commande oster les choses estrangeres, s’il y en a entre les parties diuisées .

( ... ) De la premiere intention, qui est d’oster les choses étrangeres. La premiere est accomplie, que si la playe n’est pas ouuerte, et qu’entre les parties ait quelque chose estrangere, commue escaille d’os separée poignante, ou quel­que chose affichée ( planté ) comme fleche, ou autre chose estrangere, comme vne espine, qu’elle soit ouuerte. Et s’elle est suffisamment ouuerte, qu’on les retire, et soyent arrachez legerement et sans douleur, avec les doigts ou pincettes, ou tenailles, ou quelque autre engin inuenté par toy mesme.

De l’engin de tirer les fleches et autres choses fichées . Or on arrache les choses fichées par l’inuention des engins. Et le moyen de les inuenter, est prins de la consideration de la nature et diuersité des affichez, et de la consideration de la nature et diuersité des membres. Desquelles deux choses est tiré le troisiesme, scauoir est, le moyen de les arracher, de 1’inuention des instruments. Et combien que la diuersité des affichez soit infinie et ne puisse estre certainement descrite par lettres, et qu’a raison de ce, on ait pour conseil d’examiner les formes des traits de l’ennemy : ce neantmoins Auicenne tasche à les comprendre sous vne diuision octuple, desquels (pour estre plus briefs) je prends les plus communs. Des affichez les vns sont de fer, les autres d’espines, les autres d’os, ou d’autre nature. Item , quelques - vns sont plains, et les autres barbelez. D’auantage, aucuns ont le fer dans lequel entre le fust, les autres vn clou qui entre dans le fust.( cf. glossaire ) Outre ce, les vns sont veni­meux, les autres non.

La diuersité des membres est apprise par l’anatomie , c’est, que les vns sont principaux, les autres non et quelques - vns charnus, esquels les affichez ne tiennent gueres, les autres ossus, esquels l’affiché adhere fermement. D’auantage, il y en a qui sont au descouuert, esquels l’affiché n’a gueres penetré, les autres qui sont au profond, esquels se plonge l’affiché, voire quelquesfois à tant profonde, qu’il est paruenu à la part opposite.

Les instruments qu’on inuente par moyen de ces considerations, nonobstant que soyent plusieurs, toutefois j’en ay huit chez moy des plus communs.

Le premier est tenaille d’Avicenne et sont en forme de demie - lune endentés. Le second sont tenailles de Albucasis et sont en manière de bec d’oiseau endentées. Le tiers sont tenailles cannuleuses pour les sagettes embarbelées. Le quart est tarière renversée à prendre la doule du fer. Le quint est tarière droite à élargir les os. Le six sont incisoires ou taillans à eslargir la chair affin que plus légierement les choses de dedans fichées puissent être ostées. Le septiesme, sont ciseaux à dilater la chair, afin que les affichez soyent plus aisément arrachez. Le huit est balista, c’ est - à - dire arbalette. La manière d’ouvrer des instruments dessusdits est telle que si la chose fichée ne peut être ostée bonnement au premier coup, elle doit estre laissée jusques que la chair amaigrisse et soit pourrie, et lors en le contournant et remuant çà et là, il sera plus legerement retiré, nonobstant le dire de Henric qui commande, qu ils soyent arrachez tout incontinent car ainsi le veulentAuicenne et Albucasis.

Puis il faut auoir soin de la playe , comme des autres, excepté qu on doit exprimer le sang altéré de l’affiché, à ce que la playe soit asseurée de putrefation et y faut verser d’huile chaud, mesmement si on se doute de douleur. Et s’il est enuenimé, soit traité comme les morsures venimeuses. Nais si on ne le peut auoir aisément par le susdit moyen, le patient estant desarmé, et ce qu’il faut apprester estant prest, et en ayant prognostiqué s’il est de besoin, selon la forme donnée, soit prins auec tenailles communes en tournoyant et soit arraché. Et s’elles n’y valent rien, qu’on en prenne d’autres plus fortes. Et si les fleches sont barbelées, que ses barbes soient apprehendées auec tenailles canulées. Si le bois est sorty de la deuille, elle soit arrachée auec tariere renuersee, mise dans la deuille. Et si le bois est auec la deuille, soit arrachée auec tariere droite Et si autrement ne peuuent estre arrachées, soit eslargv le pertuis (s’il est possible) de la chair avec vn rasoir, et de l’os auec des tarieres droites, ou auec trepans, et qu’on les arrache corne dit est. Et si ce ne vaut, soit liée avec les tenailles balista et le patient bien afferme, balista soit deferrée et adonc sera tiré hors.

Des medicaments qui retirent les choses affichées , i’en ay ouuré, ( ... ) médicament propre d’Auicenne : du levain, du miel, du guy de chesne, ammoniac, huile et soit fait un emplastre et applique le dessus. Rogier affirme estre esprouué, que la racine de la canne pilée, appliquée auec du miel, sur l’affiché, le retire sans douleur. Plusieurs autres remedes sont mis en l’antidotaire, et ainsi est accomplie la premiere intention (... ).